Vindorka í Føroyum

Elframleiðsla úr vindorku hevur spart føroyska samfelagnum oljuútreiðslur og CO2 útlát.

Síðani 1993 tá fyrstu ferð varð farið undir skipaða vindorkuframleiðslu inn á netið hjá SEV, eru framleiddir 485.266 MW tímar.

Hetta svarar til 104.332 tons av olju, og 344.296 tons av CO2 útláti, sum eru spard.

Í løtuni verður vindorka í Føroyum framleidd í vindmyllulundunum hjá SEV í Neshaga og í Húsahaga, og í Vestmanna hjá Vindrøkt.

Nýggj vindmyllulund er í ger í Porkerishaganum, og harumframt hava vindútboð verið í Flatnahaga oman fyri Tórshavn og á Eiði, sum ávikavist Magn og SEV vunnu.