Nýggj app til elbilaløðing

Um mánaðarskiftið januar / februar 2026 gerst tín elbilaløðing einfaldari.

Tá kemur nýggja elbil appin, sum fer at betra um tínar upplivingar sum elbilabrúkari.

Fyrimunir við nýggju elbil appini

• Stýr løðingini - heima og alment

Byrja og enda løðingar beinleiðis á appini. Legg eisini gjaldskortið inn fyri at gjalda ómakaleyst við appini. Løðispjaldur kann eisini nýtast.

• Snildløðing

Áset nær løðingin skal fara fram - til dømis tá streymurin er grønastur.

• Nýtsluyvirlit

Fá greitt yvirlit yvir farnar løðingar, herundir nýttar kWt og krónur, løðing fyri løðing og mánaða fyri mánaða.

• Kort yvir løðistøðir tú hevur atgongd til

Fá yvirlit yvir almennar løðistøðir, løðistøðir á tínum arbeiðsplássi, tína heimaløðistøð og møguligar aðrar, tú hevur fingið tillutað atgongd til.

• Reika

Stórt netverk við upp móti 1 mió. løðistøðum kring heimin. Elbil appin kann lættliga nýtast í útlondum eins og í Føroyum.

Næstu stig?

Síðstu snøklarnir eru um at koma upp á pláss, og elbil appin verður tøk um mánaðarskiftið januar / februar 2026. Stutt eftir hetta verður heimasíðan elbil.fo niðurløgd.
Vit venda aftur við endaliga útgávudegnum og meiri kunning seinni.