Fundamentini til Minesto drekarnar sett út í sundið

Fundamentini, sum sjóvarfalsdrekarnir hjá Minesto verða tjóðrarðir í, eru nú sett á botnin í Vestmannasundi. Serligu fundamentini eru sniðgivin og framleidd á verksmiðjuni hjá Leask Marine í Orknoyggjunum. Fundamentini eru eitt rammuskapilsi og rundar ballastvektir, sum hava skap sum kleynuringar. Hvør einstakur lutur er søktur á botn úr bátinum C-Fenna, sum Leask eigur.

Næsta stig í verkætlanini verður at leggja kaðlar millum fundamentini og kontrollrúmið á Oyrargjógv. Kaðalarnir flyta elorkuna, sum drekarnir framleiða, upp á land og inn á netið hjá SEV.

David Collier, tekniskur stjóri hjá Minesto, fegnast um, at arbeiðið hevur gingið væl, hóast avbjóðingar við veðurlíkindum og Koronatiltøkum.