Arbeiðið í byrgingini Heygadali komið hálva leið

Arbeiðið í byrgingini Heygadali komið hálva leið

Arbeiðið at gera forkanningar til pumpuskipan og kanningar í sambandi við viðlíkahald av byrgingini í Heygadali er komið hálva leið.

Byrgingin er tømd fyri vatn, og tveir ymiskir veitarar eru í ferð við ávikavist forkanningar til pumpuskipanina Mýruverkið II og kanningar í sambandi við viðlíkahald. Í sambandi við dagføring verða m.a. armeringar kannaðar, meðan forkanningar til pumpuskipan m.a. umfata kanning av lendinum og jarðfrøðini í økinum.

Arbeiðið er mett at taka alt millum 2 og 4 vikur, men váta veðrið hevur tarnað eitt nú graviarbeiðnum nakað við tað, at lendið er rættuliga vátt og bleytt.

SEV stendur fyri viðlíkahaldsarbeiðnum, og tá tað er av, verður vatn aftur latið í byrgingina. Hesa tíðina á árinum kann taka langa tíð at fylla byrgingina aftur, so tað verður væntandi í august.

Hjálp okkum at gera síðuna so góða sum gjørligt - send okkum hugskot ella viðmerking
Send viðmerking