Vindmyllulund í Porkerishaganum

Vindmyllulund í Porkerishaganum

SEV byggir vindmyllulund við 7 Enercon vindmyllum á tilsamans 6,3 MW í haganum uppi yvir Porkeri í Suðuroy.

Vindmyllulundin verður væntandi endaliga yvirtikin og verksett í desember 2020.

Partur av hesi verkætlan er battarískipan og synkronkompensator. Hesi skulu vera við til at javna elorkuna, ið fingin verður til høldar frá vindmyllunum, og harvið tryggja, at vit varðveita veitingartrygdina í økinum. Battarískipan og synkronkompensator verða tó ikki sett upp og verksett fyrrenn í 2021.

Battarískipanin í Porkeri verður serstøk við tað, at hon hevur eins stóran mátt og vindmyllulundin sjálv. Endamálið við battarískipanini og synkronkompensatorinum er fyrst og fremst at javna vindin, sum fer út á netið, men støddin á battarískipanini merkir, at hon viðhvørt eisini kann virka sum tiltaksverk í staðin fyri motorarnar á Vágsverkinum, um vindorkan brádliga minkar.

Hjálp okkum at gera síðuna so góða sum gjørligt - send okkum hugskot ella viðmerking
Send viðmerking