SEV   /   Um okkum   /   Grøna kósin

Grøna kósin

Grøna kósin

100 % burðardygg elorka á landi í 2030

Í 2014 setti SEV kósina, sum hevur til endamáls, at øll elorka á landi skal stava frá varandi orkukeldum í 2030, og síðan 2014 hevur SEV arbeitt miðvíst fram ímóti at røkka hesum máli.

Avbyrgda elskipanin í Føroyum er í sjálvum sær ein stór avbjóðing, tá ið talan er um at fáa so nógva grøna orku til vega sum gjørligt. Málið kann bert røkkast við nýhugsan og menning.

Battarískipanin í Húsahaga, sólorkulundin í Sumba, sjóvarfalsverkætlanin í Vestmannasundi eru onkur ítøkilig dømi um nýhugsan á elorkuøkinum í Føroyum.

Samstundis sum arbeitt verður av øllum alvi at finna loysnir við burðardyggum orkukeldum, samstarvar SEV við Setrið um slóðbrótandi ph.d.-verkætlan um, hvussu støðufestið kann tryggjast í elskipanini í einum avbyrgdum oyggjasamfelag, tá ið orkukeldurnar í stóran mun eru óstøðugar.

Í 2015 vann SEV náttúru- og umhvørvisvirðislønina hjá Norðurlandaráðnum fyri grønu kósina, vindmyllulundina í Húsahaga við nýmentu battarískipanini og nýggju stýrisskipanini. Sama ár vann SEV umhvørivsvirðislønina hjá Tórshavnar Kommunu.

Verkætlanir við grønari orku

Í strembanini eftir at náa málinum um 100 % burðardygga elframleiðslu á landi í 2030 hevur SEV sett sjøtil á fleiri áhugaverdar verkætlanir, sum eru liður í hesum arbeiði.

Á vindorkuøkinum verður arbeitt við vindmyllulundum í ávikavist Porkerishaganum og á Eiði, og harumframt eru tvær áhugaverdar royndarverkætlanir í gongd við ávikavist sjóvarfalsorku í Vestmannasundi og sólorku í Sumba.


Sjóvarfalsorka

Sjóvarfalsorka

Sólorka

Sólorka

Vindmyllulund í Porkerishaganum

Vindmyllulund í Porkerishaganum

Varðagøtan fram til 2030

Varðagøtan fram til 2030

Tryggja støðufesti hóast 100% óstøðugar orkukeldur

Tryggja støðufesti hóast 100% óstøðugar orkukeldur

Føroya fyrsta sjóvindmyllulund

Føroya fyrsta sjóvindmyllulund

Pumpuskipan í Vestmanna

Pumpuskipan í Vestmanna

Hjálp okkum at gera síðuna so góða sum gjørligt - send okkum hugskot ella viðmerking
Send viðmerking