Grøna kósin

100% burðardygg elorka á landi 

Í 2014 setti Sev kósina, sum hevur til endamáls, at øll elorka á landi skal stava frá varandi orkukeldum í 2030, og síðan 2014 hevur Sev arbeitt miðvíst fram ímóti at røkka hesum máli. 

Nógv er nátt síðani 2014, og niðanfyri síggjast nøkur av lyklatølunum.

Avbyrgda elskipanin í Føroyum er í sjálvum sær ein stór avbjóðing, tá ið talan er um at fáa so nógva grøna orku til vega sum gjørligt. Málið kann bert røkkast við nýhugsan og menning. 

Battarískipanirnar í Húsahaga, Porkeri, á Sundi, sólorkulundin í Sumba, sjóvarfalsverkætlanin í Vestmannasundi eru onkur ítøkilig dømi um nýhugsan á elorkuøkinum í Føroyum. 

Samstundis sum arbeitt verður av øllum alvi at finna loysnir við burðardyggum orkukeldum, hevur Sev samstarvað við Setrið um slóðbrótandi ph.d.-verkætlan um, hvussu støðufestið kann tryggjast í elskipanini í einum avbyrgdum oyggjasamfelag, tá ið orkukeldurnar í stóran mun eru óstøðugar. 

Í 2015 vann Sev náttúru- og umhvørvisvirðislønina hjá Norðurlandaráðnum fyri grønu kósina, vindmyllulundina í Húsahaga við nýmentu battarískipanini og nýggju stýrisskipanini. Sama ár vann Sev umhvørivsvirðislønina hjá Tórshavnar Kommunu.

Verkætlanir við grønari orku

Í strembanini eftir at náa málinum um 100 % burðardygga elframleiðslu á landi, hevur Sev sett sjøtil á fleiri áhugaverdar verkætlanir, sum eru liðir í hesum arbeiði.