Mýruverkið

Innalaga í Heygadali stendur Mýruverkið.

Rørleiðing er løgd frá Mýruverkinum 490 m upp gjøgnum hamrarnar omanfyri verkið. Har fer leiðingin inn bergið, og síðani er tunnil, ið er 1.120 m til longdar, sprongdur til byrgingina á Mýrunum, ið rúmar 4.100.000 m³.

Vatnið frá turbinuni á Mýruverkinum verður endurnýtt í turbinuni á Heygaverkinum.

Byrgingin á Mýrunum er 12 m høg og gjørd úr grótfyllu við einum betongveggi í miðjuni at tetta við.

Avfalsøkið er 8 km².