Mítt SEV - títt besta innlit í tína nýtslu
Mítt SEV – títt besta innlit í tína nýtslu
Visti tú av, at tú nú kann fylgja við frá einum degi til annan, hvussu nógva elnýtslu egið húski nýtir? Á nýggja orkuportalinum hjá SEV ber nú til at fylgja nágreiniliga við í elnýtsluni í ymiskum tíðarskeiðum. Tú sær, t.d. stabbamyndir, sum samanbera nýtsluna við árið fyri, og eisini verður tín grøna orka framhevja. Við hesum nýggja orkuportali hevur tú gott yvirlit yvir egnar uppgerðir hjá SEV. Orkuportalurin er greiður og lættur at fara um, og eisini er tað sera skjótt at skráseta seg.
Á nýggju síðuni eru fýra støkkmyndir, har ið ein kann síggja nýtsluna av elorku fram til tann dagin í mánaðinum, og hvussu nógvar kr. tað samsvarar til. Við tí máti er ein meting gjørd, um hvussu høg upphæddin verður fyri allan mánaðin, um elnýtslan er støðug. Á fjórðu støkkmynd er ein prosentrokning gjørd, ið vísir í prosentum, hvussu nógv elorku er nýtt í mun til sama tíðarskeið árið fyri. Til ber at síggja egna fíggjarstøðu og fíggjaryvirlit. Tað eru fleiri fyrimunir og møguleikar við nýggja orkuportalinum, og tískil viðmæla vit okkara kundum at skráseta seg á hesa síðu og harvið fáa betri innlit í egnu elnýtslu.
Fyrstu ferð tú ritar inn, verður tú biðin um at tøppa inn kundanummar og loynital. Kundanummarið er at finna á einari eldri uppgerð og loynutalið fæst við at seta seg í samband við SEV. Av trygdarávum verður tú tá biðin um at velja nýtt brúkaranavn og loyniorð, og fært ein váttanarteldupost. Tú ert nú til reiðar at nýta orkuportalin hjá SEV.
GG! Orkuportalurin Mítt SEV er ikki tøkur í Internet Explorer.
GG! Fyri at verja um trygdina í orkuportalinum Mítt SEV og tína trygd sum brúkari, er ein tvey-faktor samgildisskipan tikin í nýtslu. Tað merkir, at ein eyka kota skal til fyri at rita inn. Tú kanst velja, um tú fært tvey-faktor kotuna um sms-boð ella í telduposti.
Samanber tína orkunýtslu við onnur
Ivast tú í, um tín elnýtsla liggur lágt ella høgt í mun til onnur húsarhald, sum líkjast tínum? So hevur tú nú møguleika at samanbera tína nýtslu við onnur. Sí vegleiðing niðanfyri.
Rita inn á orkuportalin Mítt SEV
Ivast tú í onkrum? Sí videovegleiðingarnar niðanfyri.