Elbilar

Framtíðin er elektrisk, eingin ivi um tað, og í Føroyum eru elbilar ein upplagdur møguleiki. Stutta frástøðan til alt og lýggja veðurlagið merkja, at Føroyar eru serstakliga væl egnaðar til elbilar.

Umhugsar tú at fáa tær elbil, er eitt gott hugskot at seta seg inn í og taka støðu til ymisk viðurskifti, áðrenn endaliga avgerðin verður tikin.

• Hvussu er títt koyrimynstur?
• Koyrir tú langar teinar hvønn dag, er best við einum størri battaríi enn um túrarnir eru styttri.
• Hvat slag skal bilurin vera?
• Hvussu nógv skal ella kann hann kosta?
• Hvussu nógv skal hann í mesta lagi kosta at reka?

Fyrimunir við elbili

• Tað er burðardyggari at koyra í elbili
• Bilurin er bíligur í rakstri
• Elbilurin larmar minni

Elframleiðsla og útlát

Elorka í Føroyum verður vunnin úr vindi, vatni, sólorku, biogassi og tungolju. Í 2017 framleiddi SEV 51 prosent av elorkuni úr vatn- og vindorku. Tað er tó eingin orsøk at bíða við at keypa sær elbil, hóast elorkan ikki er 100% burðardygg enn, tí sjálvt tá ið orkan er framleidd við tungolju, dálkar ein effektivur elbilur minni enn samsvarandi bensin- og dieselbilar. (kelda Umhvørvisstovan)

Til ber at lesa meira um hetta á heimsíðuni www.os.fo