Hevur tú pengar til góðar á heimasíðuni www.elbil.fo, eftir at vit hava flutt almennu løðistøðirnar yvir á appina, flyta vit tær neyvt somu upphædd á tína toymismappu, og kunnu pengarnir tá nýtast til at gjalda fyri løðing ella takast út á tína bankakontu.
Elbil appin er klár
GG! Almennu løðistøðirnar eru nú bert atkomiligar í Elbil appini.
Ert tú verandi kundi, hevur tú fingið teldupost við leinkju til at taka appina niður við tínum upplýsingum.
Eigur tú pengar til góðar á elbil.fo, verður neyvt sama upphædd flutt yvir á tína toymismappu á Elbil appini mikudagin 11. februar 2026. Hetta hendir sjálvvirkandi, og tær nýtist einki at gera.
Ert tú nýggjur kundi fært tú tikið appina niður her:
Apple App Store https://apps.apple.com/us/app/elbil/id6755829694
Google play https://play.google.com/store/apps/details?id=fo.sev.monta.elbil
Vit hava sent øllum verandi elbilakundum ein teldupost við leinkju til App Store og Google Play.
Fyri at gera tað so lætt og ómakaleyst sum gjørligt, hava vit longu stovnað verandi kundum brúkarar á appini. Nýt serligu leinkjuna í teldupostinum fyrstu ferð tú ritar inn, so liggja tínir upplýsingar longu í appini.
Ert tú verandi kundi, men hevur ikki fingið teldupost, ert tú vælkomin at ringja til elbiladeildina á tlf. 346800 ella skriva til elbil@sev.fo.
Pengar til góðar á www.elbil.fo
Heimaløðistøð uttan gestaløðing
Hevur tú eina heimaløðistøð uttan gestaløðing, er hendan longu løgd afturat tínum toymi. Tú kanst nú síggja tínar løðingar og stýra løðingini við antin Snildløðing ella við løðiætlan.
Heimaløðistøð við gestaløðing
Skipanin við gestaløðing er broytt. Framyvir fer endurrindanin fram í elbil appini.
Fyri at fáa gestaløðingina virkna í nýggju skipanini, er neyðugt at søkja um endurrindan av nýggjum. Tú kanst fylgja hesari mannagongd:
- Tryggja tær, at tú ert limur í toyminum hjá arbeiðsgevanum, og at arbeiðsgevin hevur tillutað tær loyvi at søkja um endurrindan. Umsitarin av toyminum hjá arbeiðsgevanum umsitir hesar stillingar.
- Far á síðuna "Løðarar", trýst á tín egna løðara, trýst á tannhjólið ovast til høgru, vel síðan samsýningar.
- Áset streymprís:
- hevur tú grønan málara er prísurin: 1,825 Kr.
- hevur tú ikki grønan málara er prísurin: 2,325 Kr.
- At enda váttar tú, at streymprísurin er rættur, og trýstir á 'send umbøn'.
- Arbeiðsgevarin fær fráboðan um tína umbøn, og tá hon er avgreidd, er klárt hjá tær at løða.
Almennar løðistøðir
Almennu løðistøðirnar eru ikki fluttar yvir á nýggju skipanina enn, og kunnu tískil ikki síggjast á appini. Hesar verða lagdar afturat í fyrru helvt av februar. Inntil tá kunnu tær nýtast eins og higartil gjøgnum heimasíðuna www.elbil.fo. Tá tær eru komnar inn á appina, kunnu tær ikki longur nýtast gjøgnum heimasíðuna, men einans við appini. Vit kunna um tað, tá ítøkiligi dagurin fyri skiftið er ásettur.
