Sjóvarfalsorka

Ískoyti til føroysku umleggingina til reina elorku

SEV samstarvar við svensku fyritøkuna Minesto um eina royndarverkætlan við sjóvarfalsorku. Samstarvið er fyrsta stigi í ætlanunum um at leggja sjóvarfalsorku afturat samlaðu samansetingini av burðardyggum orkukeldum í føroysku elorkuframleiðsluni. 

Fyrimunir við sjóvarfalsorku eru m.a. at sjóvarfallið er forsøgið og ikki tengt at veðurlíkindum. Harumframt viðførir sjóvarfalsorkutøknin sera lítið inntriv í náttúruna, og als einki sjónligt árin á náttúruna.

Trýst á myndina fyri at fáa størri yvirlit, ella Tak niður yvirlitið í størri stødd (PDF)

Minesto hevur ment slóðbrótandi tøkni at vinna el úr sjóvarfalsorku, har rákið er lítið. Deep Green tøknin hjá Minesto framleiðir elorku í støðum, har rákið er lítð, og úr havstreymi við einum sloðbrótandi og patenteraðum prinsippi, líkt einum dreka, sum flýgur í vindinum.

Vongurin nýtir hydrodynamiskan mátt í sjóvarfallinum at flyta turbinuna.

Stýrisskipanin í drekanum stýrir automatiskt drekanum við at flyta turbinuna ígjøgnum sjógvin í einum 8-tali.

Ímeðan drekin flýgur ígjøgnum sjógvin, snarar turbinan og flytur orku til generatorin, sum sendir elorku út umvegis kaðalin í festinum.

Royndarverkætlanin er staðsett í Vestmannasundi